पो. डा. वार्ताहर, पळासनेर : गिट्टी वाहतूक करणाऱ्या ट्रक ने भरधाव वेगात एका वाहनाला चिरडत एका हॉटेलमध्ये शिरल्यामुळे भीषण अपघात झाला. आत्ताच मिळालेल्या माहितीनुसार सदरील अपघातातील जखमींपैकी 8 जणांचा चिरडून जागीच मृत्यू झाला आहे. तर या भीषण अपघातात पंधरा ते वीसजण जखमी झाले आहेत. मृतांची संख्या आणखी वाढण्याची भिती व्यक्त केली जात आहे. दरम्यान, पोलीस घटनास्थळी दाखल झाले आहेत.
मुंबई-आग्रा महामार्गावर शिरपूर तालुक्यातील पळासनेर हे गाव मध्य प्रदेशच्या सीमेवर येतं. याच गावाजवळ साधारणतः दुपारी 12 वाजताच्या दरम्यान ही अपघाताची घटना घडली. एक कंटेनर महामार्गावरुन जात असताना त्याचा ब्रेक फेल झाला आणि तो थेट हॉटेलमध्ये शिरला. या भीषण अपघातात 12 जणांचा जागीच मृत्यू झाला असून 15 ते 20 जण जखमी झाले आहेत. सध्या अपघातस्थळी मदतकार्य सुरू आहे. जखमींना तात्काळ स्थानिक रुग्णालयात दाखल करण्यात आलं असून त्यांच्यावर सध्या उपचार सुरू आहेत.
महामार्गावरुन जाणाऱ्या कंटेनरचा ब्रेक फेल झाला आणि तो थेट रस्त्याच्या कडेला असणाऱ्या हॉटेलमध्ये शिरला. या अपघातात आधी पाच जणांचा जागीच चिरडून मृत्यू झाला होता. तर अनेकजण जखमी झाल्याची माहिती मिळत होती. या अपघातात आता मृतांची संख्या वाढली असून आता मृतांचा आकडा 10 वर पोहोचला आहे. अपघात काहीजण जखमी झाले आहे. जखमींची प्रकृती चिंताजनक असल्याची माहिती मिळत आहे.
सदरचा अपघात हा चालकाचे वाहनावरील नियंत्रण सुटल्याने घडला असावा अशी शक्यता वर्तविण्यात येत आहे.
श्री.नितीन भोजने ( म्हसूल सहायक ) आणि श्री पेंढारकर ( तेहसीलदार ) यांनी घटनास्थळी धाव घेत मदतकार्य सुरु केले. २४ जखमींना धुळे येथील रुग्णालयात हलविण्यात आले असून , मृतांचा आकडा ११ वर पोहोचला असल्याचे समजते आहे.
