पोलिस डायरी, विशेष प्रतिनिधी, माधव मुसळे, नाशिक : सिडकोतील सावता नगरात शुक्रवारी पहाटे फिरण्यासाठी निघालेल्या रहिवाशांना बिबट्याचे दर्शन झाल्याने त्यांची घाबरगुंडी उडाली. वन विभागाला यासंदर्भात माहिती देण्यात आल्यावर त्यांनी बिबट्याला पकडण्यासाठी प्रयत्न सुरु केले आहेत.
सावता नगरात तसेच शिवसेना ठाकरे गटाचे महानगर प्रमुख सुधाकर बडगुजर यांच्या संपर्क कार्यालय परिसरात बिबट्याचा वावर आढळून आल्याने रहिवाशांमध्ये भीतीचे वातावरण निर्माण झाले आहे. बिबट्याचा वावर सीसीटीव्हीमध्ये कैद झाला आहे. सावतानगरातील विठ्ठल मंदिर, जीएसटी कार्यालय, मिलिटरी हेडक्वार्टर, जलकुंभ, अभ्यासिका परिसरात बिबट्याचा संचार आढळला आहे. एक बिबट्या जेरबंद करण्यात वन विभागाला यश, दुसऱ्या बिबट्याला पकडण्यासाठी वन कर्मचाऱ्यांचे शर्थीचे प्रयत्न सुरू आहेत.
